ചെത്തുകാരന്‍ ശങ്കരന്‍
പീറ്റര്‍ ഇന്ഗ്ല്ണ്ടേ ധരിക്കൂ
ആജാന ബാഹുവാണ് എങ്കിലും
അമീര്‍ ഖാന് മുന്‍പേ എയ്ട പായ്ക്ക് ഉണ്ടായിരുന്നെങ്കിലും
സായിപ്പിന്റെ കോണകം
ശങ്കരനൊരു അധികപ്പട്ടു ആയിരുന്നു
എന്നിട്ടും ശങ്കരന്‍ വിദേശ വസ്ത്രം ബഹിഷ്ക്കരിച്ചില്ല
ദേശ സ്നേഹികള്‍ ആണെങ്കിലും സ്വദേശി കുടിയന്മാര്‍ ഇങ്ങിനെ പറഞ്ഞു
"കുടിക്കുക ആണെങ്കില്‍ സായിപ്പിന്റെ കള്ള് കുടിക്കണം "
ഷര്‍ട്ട് ഊരി വേലി തറിയില്‍ തൂക്കി
തെങ്ങിന്റെ മണ്ടയിലേക്കു വലിഞ്ഞു കയറുന്ന
കറുത്ത സായിപ്പു രസമുള്ള കാഴ്ച ആയിരുന്നു
എന്നിട്ടും ശങ്കരന്‍ വിദേശ വസ്ത്രം ബഹിഷ്ക്കരിച്ചില്ല
ദേശ സ്നേഹികള്‍ ആണെങ്കിലും സ്വദേശി കുടിയന്മാര്‍ വിളിച്ചു പറഞ്ഞു
"കുടിക്കുക ആണെങ്കില്‍ സായിപ്പിന്റെ കള്ള് കുടിക്കണം "
പഴയ ഐ എന്‍ എ ക്കാരന്‍
ഞങ്ങളുടെ വിശ്വേട്ടന്‍
രക്തം ശര്ധിച്ചു മരിച്ച ദിവസം
ഷര്‍ട്ട് ഊരാതെ തെങ്ങില്‍ കയറിയ ശങ്കരനോട്
താഴെ നിന്ന കുടിയന്‍ വിളിച്ചു ചോദിച്ചു
"എടാ സായിപ്പു കീറിപ്പോകും "
താഴത്ത്‌ഇറങ്ങിയ ശങ്കരന്‍ കുടിയന്റെ കാതില്‍ പറഞ്ഞു
"ഉരഞ്ഞുപൊട്ടിയ നെഞ്ചില്‍ പുളിയുറുമ്പ് കടിക്കുന്ന സുഖം
ivanum ഒന്ന് അറിഞ്ഞോട്ടെ "
അന്ന് മുതലാണത്രേ മന്നാര്‍ക്കാട്ടെ കുട്ടികള്‍
ദേശീയ പതാകയിലെ നിറങ്ങള്‍ തിരിച്ചറിഞ്ഞു തുടങ്ങിയത്
ഞാനടക്കം
പയ്യന്‍
Thursday, April 29, 2010
Wednesday, April 14, 2010
തത്വശാസ്ത്രങ്ങള്‍ക്ക് ഒരാമുഖം
The best way to waste your life, ... is by taking notes. The easiest way to avoid living is to just watch. Look for the details. Report. Don't participate.”
ജീവിക്കാന്‍ എല്ലാവര്ക്കും
ഓരോ തത്വ ശാസ്ത്രമുണ്ട്
ചുമട്ടുകാരന്‍ കേളുവേട്ടനത്
തല ഉയര്‍ത്തിയുള്ള നടപ്പാണ്
ഏറെ കനക്കുന്ന സിമന്റു ചാക്കുകള്‍ പോലും
കേളുവേട്ടന്റെ ഉയരം കുറക്കാറില്ല
പലിശക്കാരന്‍ പാണ്ടിക്കത്
കണക്കുകളുടെ വിശ്വസ്ഥതയാണ്
ഒരു മഞ്ഞ സഞ്ചിയുമായി
എന്റെ നിരത്തുകളില്‍
അയാളത് തിരഞ്ഞു നടക്കുന്നു
മേസ്തിരി കണാരന് അത്
ഇഷ്ട്ടിക ബന്ധങ്ങളുടെ കെട്ടു ഉറപ്പാണ്‌
ആണി കയറാത്ത എന്റെ വീടിന്റെ ചുമരുകളില്‍
എനിക്കത് തിരിച്ചറിയാം
ചിന്നന്‍ വെളിച്ചപ്പാടിനത്
ഭക്തിയുടെ പരകായ പ്രവേശമാണ്
ഓരോ വെട്ടിനും നെറുകില്‍ ചീറ്റുന്ന
രക്തം സാക്ഷി
പൂവാലന്‍ കുഞ്ഞുമോനത്
അനന്തമായ് നീളുന്ന പ്രണയമാണ്
ദിവസവും രാവിലെ ബസ് സ്റ്റോപ്പില്‍
അവനതുയ് തിരയുന്നത് കാണാം
അവസാനത്തെ മനുഷ്യനും മരിക്കുന്ന ദിവസം
തത്വ ശാസ്ത്രങ്ങള്‍ എല്ലാം ആത്മഹത്യ ചെയ്യും
അന്ന് ഞാന്‍ എന്റേത്
പുരപ്പുറത്തു കയറി വിളിച്ചുപറയും
പ പ പയ്യന്‍
Subscribe to:
Posts (Atom)
